Homiliae 7.3.1
Μανθάνω οὖν, ὡς βουθυτήσας ἑστίασεν ὑμᾶς ἐν μέσῃ τῇ ἀγορᾷ, καὶ οὕτως ὑμεῖς οἴνῳ πολλῷ παρενεχθέντες ἅμα τοῖς πονηροῖς δαίμοσιν τὸν ἄρχοντα αὐτῶν ἐφιλοφρονεῖσθε, καὶ οὕτως ὑμῶν οἱ πλεῖστοι ὑπὸ τῶν παθῶν κατελήφθησαν, ἀγνοίας αἰτίᾳ καθ᾽ ἑαυτῶν ἰδίαις χερσὶν ἐπισπασάμενοι τὸ τοῦ ὀλέθρου ξίφος. οὐ γὰρ ἂν τὴν καθ᾽ ὑμῶν ἔσχον ἐξουσίαν οἱ δαίμονες, εἰ μὴ πρότερον τῷ ἄρχοντι αὐτῶν ὁμοδίαιτοι ἐγεγόνειτε. οὕτω γὰρ ἀπαρχῆς ὑπὸ τοῦ πάντα κτίσαντος Θεοῦ δυσὶν ἑκάστοτε ἄρχουσι, δεξιῷ τε καὶ εὐωνύμῳ, ὡρίσθη νόμος, μὴ ἔχειν ἑκάτερον αὐτῶν ἐξουσίαν, ἐὰν μὴ πρότερόν τινι ὁμοτράπεζος γένηται, ὅν εὐποιῆσαι ἢ κακῶσαι βούλεται. ὥσπερ οὖν τῶν δαίμοσιν ἀποδεδομένων θυμάτων μεταλαβόντες τῷ τῆς κακίας ἡγεμόνι κατεδουλώθητε, οὕτως, ἄν τούτων παυσάμενοι τῷ Θεῷ διὰ τοῦ ἀγαθοῦ καὶ δεξιοῦ ἡγεμόνος προσφύγητε, ἀθύτοις τιμαῖς ποιοῦντες ἅ βούλεται, εὖ ἴστε ὅτι σὺν τῇ τοῦ σώματος ἰάσει καὶ τὰς ψυχὰς ὑγιαινούσας ἕξετε. αὐτὸς γὰρ μόνος διὰ τῆς ἀριστερᾶς ἀναιρῶν διὰ τῆς δεξιᾶς ζωοποιῆσαι δύναται· ὁμοίως δὲ καὶ πατάξαι, καὶ ἀναστῆσαι κείμενον.
「そこで私は知った、彼が牛を屠って諸君を広場の真ん中で饗応し、そのため諸君が多量の酒に乱れて、悪しきダエモーンどもとともにその支配者に親しみを示したことを。かくして諸君の多くの者が情念に捕らえられ、無知のゆえに自らの手で自分に破滅の剣を引き寄せたのである。諸君がまず先にその支配者と食を共にする者にならなかったなら、ダエモーンどもが諸君に対して権能を持つことなど、あり得なかったであろう。というのも、万物を創造した神によって、初めから、右と左のそれぞれの支配者について、いずれも先にある者と食卓を共にする者とならなければ、その者に善をなすにせよ悪をなすにせよ、権能を持たないという法が定められたからである。それゆえ、諸君はダエモーンどもに捧げられた供物にあずかって悪の統率者に隷属させられたのと同じように、これをやめて善き右の統率者を通して神のもとに逃れ、供犠なしの誉れをもってその望むところを行うならば、肉体の治癒とともに魂もまた健やかに保たれることを、よく知るがよい。まさにその方こそ、ただひとり左の手によって滅ぼし、右の手によって生かすことができるのであり、同様に打ち、また倒れた者を起こすこともできるのである。」