Homiliae 13.18.1
Πολὺ δὲ κρεῖττον, εἰ χειραγωγήσας ἥξεις· ἵνα καὶ αὐτὸς σώφρων γένῃ· θελήσεις γὰρ σώφρων γενέσθαι, ἵνα γνώσῃ σεμνοῦ γάμου τὸ τέλος, καὶ οὐκ ὀκνήσεις, εἰ ἀγαπᾷς, λέγω δὴ πατὴρ γενέσθαι, ἴδια τέκνα φιλεῖν καὶ ὑπὸ ἰδίων φιλεῖσθαι τέκνων. ὁ σώφρονα γυναῖκα ἔχειν θέλων καὶ αὐτὸς σωφρονεῖ, τὴν ὀφειλομένην εὐνὴν ἀποδίδωσιν, ταύτῃ συνεστιᾶται, ταύτῃ σύνεστιν, σὺν αὐτῇ πρὸς τὸν σωφρονίζοντα ἔρχεται λόγον, οὐ λυπεῖ, οὐκ εἰκῆ μάχεται, ἑαυτὸν μισητὸν οὐ ποιεῖ, ἅ δύναται καλὰ παρέχει, ὧν μὴ ἔχει, τῇ κολακείᾳ τὸ λυποῦν ἀποπληροῖ. ἡ σώφρων γυνὴ κολακευθῆναι οὐκ ἀναμένει, κύριον τὸν ἄνδρα γνωρίζει, πενομένου τὴν πενίαν φέρει, πεινῶντι συμπεινᾷ, ἀποδημοῦντι συναποδημεῖ, λυπούμενον παραμυθεῖται , κἄν προῖκα μείζονα ἔχῃ, ὡς μηδὲν ἔχουσα ὑπόκειται. ὁ δὲ ἀνὴρ κἂν πένητα ἔχῃ γυναῖκα, μεγάλην προῖκα ἡγείσθω αὐτῆς τὴν σωφροσύνην. ἡ σώφρων γυνὴ αὐταρκείᾳ βρωμάτων καὶ ποτῶν χρῆται, ἵνα μὴ λιπανθέντος τοῦ σώματος τῷ βάρει πρὸς ἐπιθυμίας ἀνόμους κατασπάσῃ τὴν ψυχήν. ἀλλ᾽ ἔτι μὴν σὺν νέοις οὐκ ἰδιάζει, καὶ τοὺς γέροντας ὑποπτεύει, γέλωτας ἀτάκτους ἀπωθεῖται, Θεῷ μόνῳ ἑαυτὴν ἀπονέμουσα οὐ σφάλλεται, σεμνοὺς λόγους ἀκούουσα ἥδεται, τοὺς δὲ μὴ ἐπὶ σωφροσύνης λεγομένους ἀπωθεῖται.
「だが、お前自身が彼女の手を引いて共に来るならば、はるかに善いことである。それによって、お前自身もまた貞淑になるためである。お前は貞淑になることを望むだろう、清らかな結婚の結末を知るために。そして、もしお前が愛しているなら――つまり、父となること、自分の子供たちを愛し、自分の子供たちから愛されることを望んでいるなら――ためらうことはないだろう。貞淑な妻を持ちたいと望む男は、自分自身も貞淑である。彼は当然の閨の務めを果たし、妻と食を共にし、妻と共にあり、妻と共に貞淑へ導く言葉のもとへ赴き、妻を悲しませず、いわれもなく争わず、自分を憎まれる者としない。できる善きことを与え、持たないものについては、優しい言葉によって、その不足の悲しみを埋め合わせる。貞淑な妻は、おもねられることを待ち望まず、夫を主人として認め、夫が貧しいときはその貧しさを共に負い、夫が飢えるときは共に飢え、夫が旅に出るときは共に旅立ち、夫が悲しむときは慰める。たとえ自分の方が大きな持参金を持っていても、何も持たない者のようにへりくだる。一方、夫は、たとえ貧しい妻を持っていても、その貞淑さを大いなる持参金と見なすべきである。貞淑な妻は、飲食において自足を用いる。体が脂肪でふくらみ、その重さによって、魂を不法な欲望へと引きずり込むことのないようにするためである。さらに、若い男たちとひとりでいることはせず、老いた男たちにも用心し、節度のない笑いを退け、ただ神にのみ自分を捧げて過ちを犯さず、慎ましい言葉を聞くことを喜び、貞淑にかなわない言葉を退ける。」