Homiliae 18.4.1
Καὶ ὁ Σίμων ἔφη· πῶς οὖν ἐγνωσμένου τοῦ δημιουργοῦ, τοῦ καὶ τὸν Ἀδὰμ πλάσαντος, καὶ τοῖς κατὰ νόμον δικαίοις ἐγνωσμένου, προσέτι δικαίοις καὶ ἀδίκοις καὶ ὅλῳ τῷ κόσμῳ, ὁ διδάσκαλός σου μετὰ πάντας ἐκείνους ἐληλυθὼς λέγει οὐδεὶς ἔγνω τὸν πατέρα εἰ μὴ ὁ υἱὸς, ὡς οὐδὲ τὸν υἱόν τις οἶδεν, εἰ μὴ ὁ πατὴρ, καὶ οἷς ἄν βούληται ὁ υἱὸς ἀποκαλύψαι; ταῦτα δὲ οὐκ ἄν ἔλεγεν, εἰ μὴ πατέρα τινὰ ἐν ἀποῤῥήτοις ὄντα ἀνήγγελλεν, ὃν καὶ ὕψιστον ὁ νόμος λέγει, ἀφ᾽ οὗ οὔτε ἀγαθὴ οὔτε κακὴ ἠκούσθη φωνή (ὡς ἐν τοῖς Θρήνοις καὶ Ἰερεμίας μαρτυρεῖ), ὅστις κατ᾽ ἀριθμὸν τῶν υἱῶν Ἰσραὴλ, οἳ εἰσῆλθον εἰς Αἴγυπτον, οἵ εἰσιν ἑβδομήκοντα, καὶ πρὸς τὰ ὅρια τῶν ἐθνῶν περιγράψας γλώσσαις ἑβδομήκοντα, τῷ αὑτοῦ υἱῷ τῷ καὶ κυρίῳ λεγομένῳ, οὐρανὸν καὶ γῆν διακοσμήσαντι, τοὺς Ἑβραίους ἔδωκεν μερίδα, καὶ αὐτὸν Θεὸν θεῶν εἶναι διώρισεν, θεῶν δὴ λέγω, οἵ τινες τὰς ἄλλας τῶν ἐθνῶν εἰλήφασιν μερίδας. νόμοι οὖν προῆλθον ἀπό τε πάντων τῶν λεχθέντων θεῶν ταῖς αὐτῶν μερίσιν, ἅ τινά ἐστιν τὰ λοιπὰ ἄλλα ἔθνη. ὁμοίως δὲ καὶ ἀπὸ τοῦ υἱοῦ τοῦ πάντων κυρίου ὁ παρὰ Ἑβραίοις κείμενος προῆλθε νόμος. τοῦτο δὲ οὕτως ἔχειν ὡρίσθη, ἵνα εἴ τις νόμῳ τινὸς προςφύγῃ, ἀπὸ τῆς ἐκείνου γένηται μερίδος, οὗ δὴ καὶ τὸν νόμον πράττειν ἀνεδέξατο. οὐδεὶς ἔγνω τὸν ἐν ἀποῤῥήτοις ὕψιστον πατέρα ὄντα, ὡς οὐδὲ τὸν τούτου υἱὸν, ὅτι υἱός ἐστιν. αὐτίκα γοῦν σὺ τὰ τοῦ ἀποῤῥήτου ὑψίστου ἴδια διδοὺς τῷ υἱῷ οὐκ οἶδας ὅτι υἱός ἐστιν, πατὴρ ὑπάρχων τοῦ Ἰησοῦ τοῦ καθ᾽ ὑμᾶς λεγομένου Χριστοῦ.
シモンは言った。「それでは、造り主が——アダムを形づくった者であり、律法に従う正しい者たちにも知られており、さらには正しい者にも不正な者にも、全世界にも知られている者が——このように知られているというのに、なぜお前の師は、そのすべての者たちの後に来て、『誰も父を知らなかった、子のほかは。子を知る者もいなかった、父のほかは。そして子が啓示しようと欲する者たちのほかは』と言うのか。もし彼が、秘められたところにいるある父を告げ知らせるのでなければ、このようなことを言うはずはなかった。その父については、律法も至高者と呼んでおり、その方からは、良いことも悪いことも一言も聞かれなかった(哀歌でエレミヤも証ししているとおりである)。その方は、エジプトに入ったイスラエルの子らの数——それは七十人である——にしたがい、諸国民の境を七十の言語によって区切ったうえで、天と地を秩序づけた、自らの子にして主とも呼ばれる者に、ヘブライ人を分け前として与え、その者を神々の神と定めたのである。ここで神々と私が言うのは、そのほかの諸国民の分け前を受け取った者たちのことである。それゆえ、諸々の法は、その名を挙げられたすべての神々から、それぞれの分け前に応じて出てきたのであり、その分け前とは、そのほかの諸国民のことである。同様にして、万物の主である子からも、ヘブライ人のもとに置かれている律法が出てきた。そしてこれは、次のように定められたのである。すなわち、もし誰かがある者の法へと逃れ入るならば、その者は、自らその法を行うことを引き受けたその者の分け前に属する者となる、というふうに。誰も、秘められたところにいる至高の父を知らなかった。この方の子についても、それが子であるということを、誰も知らなかった。実際、お前は、秘められた至高者に固有のものを子に帰しておきながら、その子が——すなわち、諸君の言うキリストと呼ばれるイエスの父である者が——子にほかならないということを知らずにいるのだ。」