Homiliae 10.13.1
Εἰ δὲ ἐπὶ παρακοῇ λόγων κρίσις γίνεται, πολλῷ μᾶλλον ὁ Θεὸς ὀλοθρεύσει τοὺς μὴ θελήσαντας τὴν εἰς αὑτὸν θρησκείαν ἀναδέξασθαι. ὁ γὰρ μὴ θέλων μαθεῖν ἵνα μὴ ἔνοχος ᾖ, ἤδη ὡς εἰδὼς κρίνεται. ἔγνω γὰρ ὅ μὴ ἀκοῦσαι θέλει· ὥστε οὐδὲν δύναται πρὸς ἀπολογίαν ἐπίνοια πρὸς καρδιογνώστην Θεόν. διὸ φεύγετε τοῦ ὄφεως τὴν πανοῦργον ὑποβαλλομένην ὑμῶν τῷ νῷ ἐνθύμησιν. ἵνα δὲ καὶ ὄντως ἀγνοήσας τις τὸν παρόντα βίον τελευτήσῃ, ἔγκλημα ἔξει, ὅτι βιώσας χρόνον οὐκ ἔγνω τίς αὑτῷ τε καὶ τῶν αὑτῷ ἐπικουρηθεισῶν τροφῶν ὑπῆρξεν εὐεργέτης, καὶ ὅτι ὡς ἀναίσθητος καὶ ἀχάριστος πολὺ ἀνάξιος δοῦλος τῆς τοῦ θεοῦ ἀποδοκιμάσεται βασιλείας.
「言葉に従わないことに対して裁きが下るのであれば、なおのこと神は、自らへの礼拝を受け入れようとしなかった者たちを滅ぼすであろう。というのも、罪に問われないために学ぶことを望まない者は、すでに知っている者として裁かれるからである。聞くことを望まない事柄を、彼はすでに知っているのである。それゆえ、心を見通す神に対しては、いかなる企みも弁明の役に立たない。それゆえ諸君は、蛇が諸君の精神に吹き込む狡猾な思案から逃げよ。もし実際に無知のまま現世の生を終える者があれば、その者には咎めがあるであろう。生きている間、自分自身にとって、また自分に供された食物にとって、誰が恵み主であったかを知らなかったからであり、感覚なく恩知らずな者として、神の王国にふさわしからぬ奴隷として退けられるであろうから。」