Homiliae 12.32.1
Δίκαιος δέ ἐστιν ἐκεῖνος, ὁ τοῦ εὐλόγου ἕνεκα τῇ φύσει μαχόμενος. οἷον πᾶσιν πρόσεστιν ἐκ φύσεως φιλοῦντας φιλεῖν, δίκαιος πειρᾶται καὶ ἐχθροὺς ἀγαπᾶν καὶ λοιδοροῦντας εὐλογεῖν, ἔτι μὴν καὶ ὑπὲρ ἐχθρῶν εὔχεσθαι, ἀδικοῦντας ἐλεεῖν. διὸ καὶ προαδικεῖσθαι ἀπέχεται, καὶ ὁμῶς καταρωμένους εὐλογεῖ, τύπτουσιν συγχωρεῖ, διώκουσιν ὑποχωρεῖ, μὴ ἀσπαζομένους ἀσπάζεται, τοῖς οὐκ ἔχουσιν ὧν ἔχει κοινωνεῖ, ὀργιζόμενον πείθει, τὸν ἐχθρὸν διαλλάσσει, τὸν ἀπειθῆ παρακαλεῖ, τὸν ἄπιστον κατηχεῖ, τὸν πενθοῦντα παραμυθεῖται, ἐπηρεαζόμενος στέγει, ἀχαριστούμενος οὐκ ἀγανακτεῖ. εἰς δὲ τὸ ἀγαπᾶν τὸν πλησίον ὡς ἑαυτὸν ἀποδεδωκὼς πενίαν οὐ πεφόβηται, ἀλλὰ τὰ ἑαυτοῦ μερίζων τοῖς οὐκ ἔχουσιν πένης γίνεται. ἀλλ᾽ οὐδὲ μὴν ἁμαρτάνοντα τιμωρεῖ. ὁ γὰρ τὸν πλησίον ἀγαπῶν ὡς ἑαυτόν, ὡς αὐτὸς ἁμαρτήσας οἶδεν τιμωρηθῆναι μὴ θέλειν, οὕτως οὐδὲ τοὺς ἁμαρτάνοντας τιμωρεῖ. καὶ ὡς θέλει κολακεύεσθαι καὶ εὐλογεῖσθαι καὶ τιμᾶσθαι καὶ πάντα ἁμαρτήματα αὑτῷ συγχωρεῖσθαι, τοῦτο αὐτὸς τῷ πλησίον ποιεῖ, ὡς ἑαυτὸν ἐκεῖνον ἀγαπῶν. ἐνὶ λόγῳ, ὅ θέλει ἑαυτῷ, θέλει καὶ τῷ πλησίον. οὗτος γάρ ἐστιν Θεοῦ νόμος καὶ προφητῶν, αὕτη τῆς ἀληθείας ἡ διδασκαλία. καὶ ταῦτα μὲν ἀγάπη ἡ πρὸς πάντα ἄνθρωπον τελεία τὸ ἄῤῥεν μέρος ἐστὶν οὖσα τῆς φιλανθρωπίας, τὸ δὲ ἐλεεῖν τὸ θῆλυ μέρος ἐστὶν αὐτῆς. ὅπερ ἐστὶν πεινῶντα θρέψαι καὶ ποτὸν δειψῶντι παρασχεῖν γυμνὸν ἐνδύσαι καὶ νοσοῦντα ἐπισκέψασθαι καὶ ξένον δέξασθαι, ἐν εἱρκτῇ κατὰ τὸ δυνατὸν ἐπιφαινόμενον βοηθεῖν, ἁπαξαπλῶς τὸν ἐν συμφοραῖς ἐλεῆσαι.
「正しい者とは、道理のために自然の性向と戦う者のことである。たとえば、すべての人には、自分を愛する者を愛するという生まれつきの性向が備わっているが、正しい者は、敵をも愛し、罵る者をも祝福しようと努め、さらには敵のためにも祈り、不正を行う者をも憐れもうとする。それゆえ、先に不正を行うことを控え、なおも呪う者を祝福し、打つ者を許し、追う者から身を引き、挨拶しない者にも挨拶し、持たない者に自分の持ち物を分かち合い、怒っている者を宥め、敵とは和解し、従わない者には勧め、信じない者には教え、悲しむ者は慰め、辱められても耐え忍び、恩知らずにされても憤らない。そして、隣人を自分自身のように愛することに身を委ねているので、貧しさを恐れることなく、自分の持ち物を持たない者たちに分け与えて、みずから貧しくなる。しかも、過ちを犯す者を罰することもしない。なぜなら、隣人を自分自身のように愛する者は、自分自身が過ちを犯したときに罰せられることを望まないと知っているように、過ちを犯す者たちをも罰さないからである。そして、自分がおもねられ、祝福され、敬われ、あらゆる過ちを許されることを望むように、その人自身も隣人に対して、あたかも隣人を自分自身であるかのように愛して、そのように行う。一言で言えば、自分自身に望むことを、隣人にも望むのである。これこそ神と預言者たちの律法であり、これこそ真理の教えである。そして、これらのこと、すなわちすべての人へ向けられた完全な愛は、人を愛することの男性の部分であり、憐れむことはその女性の部分である。それは、飢えた者を養い、渇いた者に飲み物を与え、裸の者に衣を着せ、病む者を見舞い、よそ者を迎え入れ、牢にいる者をできる限り訪れて助け、要するに、不幸のうちにある者を憐れむことである。」