Homiliae 17.11.1
Τινὲς δὲ τῆς ἀληθείας ἀλλότριοι ὄντες, καὶ τῇ κακίᾳ συμμαχοῦντες, προφάσει δοξολογίας ἀσχημάτιστον αὐτὸν λέγουσιν, ἵνα ἄμορφος καὶ ἀνείδεος ὤν μηδενὶ ὁρατὸς ᾖ, ὅπως μὴ περιπόθητος γένηται. νοῦς γὰρ εἶδος οὐχ ὁρῶν Θεοῦ κενός ἐστιν αὐτοῦ. πῶς δὲ καὶ εὔχεταί τις, οὐκ ἔχων πρὸς τίνα καταφύγῃ, εἰς τίνα ἐρείσῃ; ἀντιτυπίαν γὰρ οὐκ ἔχων εἰς κενὸν ἐκβαθρεύεται. ναὶ, φησὶν, οὐ χρὴ Θεὸν φοβεῖσθαι, ἀλλ᾽ ἀγαπᾶν. φημὶ κἀγώ. ἀλλὰ τοῦτο παρέξει ἑκάστης εὐποιΐας εὐσυνειδησία. ἡ δὲ εὐποιΐα ἐκ τοῦ φοβεῖσθαι γίνεται. ἀλλ᾽ ὁ φόβος, φησίν, ἐκπλήσσει τὴν ψυχήν. ἀλλ᾽ ἐγώ φημι ὅτι οὐκ ἐκπλήσσει, ἀλλ᾽ ἐξυπνίζει καὶ ἐπιστρέφει. ἴσως δὲ ὀρθῶς ἐλέγετο μὴ δεῖν Θεὸν φοβεῖσθαι, εἰ μὴ πολλὰ ἕτερα οἱ ἄνθρωποι ἐφοβούμεθα, λέγω δὴ τὰς ἐκ τῶν ὁμοίων ἐπιβουλὰς, ἔτι δὲ θηρία, ἑρπετὰ, νόσους, πάθη, δαίμονας καὶ ἄλλα μυρία. ὁ οὖν ἡμᾶς ἀξιῶν μὴ φοβεῖσθαι Θεὸν, τούτων ἡμᾶς ῥυσάσθω, ἵνα μηδὲ ταῦτα φοβώμεθα. εἰ δὲ οὐ δύναται, τί ἡμῖν φθονεῖ, ἑνὶ φόβῳ, τῷ πρὸς τὸ δίκαιον, μυρίων ἀπαλλαγῆναι φόβων, βραχείᾳ τῇ πρὸς αὐτὸν πίστει μυρία πάθη καὶ ἑαυτῶν καὶ ἄλλων μετατιθέναι δυνατὸν γενέσθαι, μετὰ τοῦ καὶ ἀμοιβὴν ἀγαθῶν προςδέχεσθαι, καὶ αἰτίᾳ φόβου τοῦ πάντα ὁρῶντος Θεοῦ μηδὲν κακὸν πράσσοντας καὶ ἐν τῷ παρόντι ἐν εἰρήνῃ διατελεῖν.
「しかし、真理とは無縁の者たちで、悪と手を組んでいる者たちのなかには、栄光を讃えるという口実のもとに、彼を姿なきものと言う者たちがいる。それは、彼が形なく形象なきものであることによって、誰にも見えないものとなり、それによって切に慕われる対象とならないようにするためである。というのも、神の形象を見ない精神は、神を欠いているからである。また、頼るべき相手も、寄りすがるべき相手も持たない者が、どうして祈ることができようか。というのも、対応する像を持たない者は、空虚に向かって根を張ろうとするようなものだからである。『然り』とその者は言う、『神を恐れるべきではなく、愛すべきなのだ』と。私もそう言おう。しかし、それをもたらすのは、あらゆる善行についての良心にほかならない。そして善行は、恐れることから生まれるのである。『しかし恐れは』とその者は言う、『魂を驚愕させる』と。だが私は、それは驚愕させるのではなく、目覚めさせ、立ち返らせるのだと言う。あるいは、神を恐れるべきではないという主張が正しいとされうるのは、もし我々人間が、ほかの多くのものを恐れていないならばのことである。すなわち、同類の者たちからの陰謀、さらには獣、爬虫類、病、情欲、ダエモーンたち、そのほか無数のものを、私は言っているのである。それゆえ、我々に神を恐れるなと勧める者は、これらのものから我々を救い出してみせるがよい。我々がこれらをも恐れないようにするために。もしそれができないのならば、なぜ我々に対して、正義に向けられたただ一つの恐れによって無数の恐れから解放され、彼への短い信によって、自分自身と他者との無数の情欲を変えることができるようになり、その上、善き報いを期待し、すべてを見る神への恐れを理由に何の悪もなさずに、目下のところは平和のうちに過ごすことを、妬むのか。」