Epistula I ad Corinthios 27.1
Ταύτῃ οὖν τῇ ἐλπίδι προσδεδέσθωσαν αἱ ψυχαὶ ἡμῶν τῷ πιστῷ ἐν ταῖς ἐπαγγελίαις καὶ τῷ δικαίῳ ἐν τοῖς κρίμασιν.
それゆえ、この望みによって、我々の魂は、約束において信実であり、裁きにおいて正しい方に、固く結びつけられるように。
Epistula I ad Corinthios 27.2
ὁ παραγγείλας μὴ ψεύδεσθαι, πολλῷ μᾶλλον αὐτὸς οὐ ψεύσεται: οὐδὲν γὰρ ἀδύνατον παρὰ τῷ θεῷ εἰ μὴ τὸ ψεύσασθαι.
偽ることのないようにと命じられた方が、なおいっそう自ら偽ることはないだろう。神のもとでは、偽ること以外に不可能なことは何もないからである。
Epistula I ad Corinthios 27.3
ἀναζωπυρησάτω οὖν ἡ πίστις αὐτοῦ ἐν ἡμῖν, καὶ νοήσωμεν ὅτι πάντα ἐγγὺς αὐτῷ ἐστιν.
それゆえ、彼への信仰が我々のうちで再び燃え立つように。そして、すべてが彼に近いということを悟ろうではないか。
Epistula I ad Corinthios 27.4
ἐν λόγῳ τῆς μεγαλωσύνης αὐτοῦ συνεστήσατο τὰ πάντα, καὶ ἐν λόγῳ δύναται αὐτὰ καταστρέψαι.
彼はその威光の言葉によって万物を建てられた。そして言葉によってそれらを覆すこともできる。
Epistula I ad Corinthios 27.5
Τίς ἐρεῖ αὐτῷ: Τί ἐποίησας; ἢ τίς ἀντιστήσεται τῷ κράτει τῆς ἰσχύος αὐτοῦ; ὅτε θέλει καὶ ὡς θέλει ποιήσει πάντα, καὶ οὐδὲν μὴ παρέλθῃ τῶν δεδογματισμένων ὑπ’ αὐτοῦ.
誰が彼に「お前は何をしたのか」と言うだろうか。誰が彼の力の強さに立ち向かうことができるだろうか。彼が欲する時に、欲するとおりに、すべてを行うであろう。そして彼によって定められたことは何一つ過ぎ去ることがない。
Epistula I ad Corinthios 27.6
πάντα ἐνώπιον αὐτοῦ εἰσίν, καὶ οὐδὲν λέληθεν τὴν βουλὴν αὐτοῦ,
すべては彼の前にあり、何一つ彼の意志から隠れていない。
Epistula I ad Corinthios 27.7
εἰ οἱ οὐρανοὶ διηγοῦνται δόξαν θεοῦ, ποίησιν δὲ χειρῶν αὐτοῦ ἀναγγέλλει τὸ στερέωμα: ἡ ἡμέρα τῇ ἡμέρᾳ ἐρεύγεται ῥῆμα, καὶ νὺξ νυκτὶ ἀναγγέλλει γνῶσιν: καὶ οὐκ εἰσὶν λόγοι οὐδὲ λαλιαί, ὧν οὐχὶ ἀκούονται αἱ φωναὶ αὐτῶν.
「天は神の栄光を語り告げ、大空はその御手の業を告げ知らせる。昼は昼に言葉を送り出し、夜は夜に知識を告げる。声の聞こえない言葉も語りも存在しない」のであるから。